Këtë javë në Doha të Katarit, lojtarët e Real Madridit fituan titullin kampion bote, pasi mposhtën Pachucan e Meksikës në finalen e Kupës Ndërkontinentale.
Në finale rezultati ishte 3-0 në favor të skuadrës mbretërore dhe pak ditë pas ndeshjes, një regjistrim interesant nga dhoma e zhveshjes u publikua nga vetë Real Madridi.
Kylian Mbappe, golashënuesi i njërit prej golave të ndeshjes, iu afrua Luka Modric dhe në atë moment mësoi se ishte trofeu i 28-të i kroatit në fanellën e Real Madridit, gjë që padyshim e befasoi.
“Ai ka 28 trofe. Kjo është më shumë se vitet e mija”, ka thënë 26-vjeçari Mbappe i buzëqeshur.
Kylian Mbappé finding out Modrić has more Real Madrid trophies than he has yeaes. 😂
— TC (@totalcristiano) December 20, 2024
Numri prej 28 trofesh të fituar i referohet vetëm karrierës së Modricit te Reali, ndërsa më parë ai ka fituar edhe tre tituj kampion në Kroaci me Dinamo Zagrebin dhe dy Kupa të Kroacisë dhe një Superkupë. Kjo do të thotë se janë gjithsej 34 trofe.
Në ndeshjen kundër Pachucas, Mbappe ishte shënuesi i golit të parë për Los Blancos, dhe dy të tjerët u shënuan e Rodrygo Goes dhe Vinicius Junior.
Për francezin, trofeu i fundit me Realin ishte i 20-ti jubilar në karrierën e tij. /Telegrafi/
La reacción de Kylian Mbappé tras entrarse que Luka Modric ya tiene ¡¡𝟮𝟴 𝗧𝗜́𝗧𝗨𝗟𝗢𝗦!! con el Real Madrid. “𝗠𝗮́𝘀 𝗾𝘂𝗲 𝗺𝗶 𝗲𝗱𝗮𝗱 (𝟮𝟲)”, dijo el campeón del mundo. Kiki rindiéndose ante la grandeza del jugador con más trofeos ganados en toda la historia del club… pic.twitter.com/tzhcPRa33k
— 🔱 CHAMPIONS 🔱 (@champions2025) December 21, 2024