Mbappe mund të jetë i shqetësuar për ardhjen e Messit te PSG

Një sulm me lojtarë si Lionel Messit, Neymar dhe Kylian Mbappe është ëndrra e çdo klubi, ndërsa Paris Saint-Germain kanë arritur të sigurojnë që të tre lojtarët, pasi aktualisht të tre janë nën kontratë.

Mbappe, megjithatë, mund të ketë dyshime për të ardhmen e tij në klub dhe ëndrra mund të fillojë të zbehet para se të ketë filluar.

Sipas Gazzeta Dello Sport, ardhja e Messit në PSG e ka shqetësuar superyllin francez dhe ai do të njoftojë të ardhmen e tij me klubin të hënën më 16 gusht.

Shumë futbollistë sulmues do të donin të luanin së bashku me Messin dhe Neymarin, por raportohet se Mbappe ka frikë se ai mund të jetë në hijen e dy shokëve të tij të skuadrës.

Presidenti i PSG-së, Nasser Al-Khelaifi e ka bërë të qartë pozicionin e tij me francezin dhe njoftoi se ai do të jetë kyç për planet e klubit në sezonin 2021/22. /Telegrafi/