Site icon Telegrafi

Mbajeni në mend, aktualisht është vetëm 13-vjeçar: Shikoni se si e “ngulit” dhe çfarë bën me topin djali i LeBron Jamesit

Nol Elshani

Babai i fitoi të gjitha dhe ka një karrierë të ndritshme 15-vjeçare në basketboll.

Vetëm emri i tij mund të vendoset në të njëjtën fjali me Michael Jordanin kur bë fjalë për basketbollistin më të madh të të gjitha kohërave në botë.

LeBron James është “mbreti” i basketbollit, por dekadave të ardhshme mund të kalojnë nën emrin e djalit të tij, Bronny James.

Ylli 33-vjeçar ka një djalë 13-vjeçar, për të cilin ekspertët thonë se është e ardhmja e NBA-së.

Djali i LeBron James çdo ditë e më tepër tregon se ka trashëguar gjenet e të atit sa i përket basketbollit.

Disa prej aksioneve që i ka realizuar kohët e fundit, janë pasqyruar në rrjetet sociale që kanë marrë komente pozitive.

Është e sigurt se do të vazhdojmë të dëgjojmë shumë në të ardhmen për këtë talent, i cili nëse vazhdon të zhvillohet me këtë ritëm brenda pesë vjetëve do t’ia dëgjojmë emrin në ndonjë skuadër amerikane.

Ndryshe, James së fundi është transferuar te skuadra që po mundohet të rikthehet në majat e NBA-së, Los Angeles Lakers. /Telegrafi/

 

Exit mobile version