Po ashtu, mbahet edhe "Ora e Anton Pashkut", ku krijimet e veta do t’i lexojnë poetët e hapësirës gjithëshqiptare. Me atë rast jepet edhe çmimi tradicional "Atë Shtjefën Gjeçovi" për një të arritur në kulturë, që organizatori kësaj radhe ia ka nda arbneshëve të Zarës (në Dalmaci).
Në fund SHKA "Katarina Josipi" e Zymit do të prezantohet me një program të pasur kulturor, si dhe do të vihen lule të freskëta mbi varrin e Atë Shtjefën Gjeçovit, Atë Luigj Palajt, Katarina Josipit dhe Anton Pashkut.
Do theksuar se sivjet botohet dhe promovohet edhe monografia "Takimet e Gjeçovit 1971-2006".