CEED Maqedoni e mbështetur nga Ambasada e SHBA-ve në Shkup, ka organizuar konferencën “Doing Business in Data-Driven society” për më shumë se 100 kompani në Maqedoni.
Në konferencën në Shkup janë mbledhur kompanitë që punojnë me menaxhimin e të dhënave të klientëve por edhe institucionet që sigurojnë të dhënat e qytetarëve, njofton Telegrafi Maqedoni.
Ministri i Financave në Maqedoni, Dragan Tevdovski ju ka thënë kompanive se Qeveria ndaj qytetarëve dhe kompanive do të jetë edhe më e hapur, duke pasur parasysh menaxhimin e të dhënave që sipas ligjeve duhet të jenë të qasshme për publikun.
Micaela Schweitzer-Bluhm, shefe e misionit të SHBA-së në Maqedoni ka thënë se inkurajojnë Qeverinë për të menaxhuar me besimin e qytetarëve që ata të kenë qasje të lirë në informata. Gjithashtu, ajo ju ka thënë kompanive se suksesi qëndron në menaxhimin e të dhënave.
Para të pranishmëve folën edhe profesionistë të kësaj fushe. /Telegrafi/