Kryeministrja britanike, Theresa May ka urdhëruar hetime të plota mbi zjarrin në Londër, në të cilinë deri më tash kanë humbur jetën 17 persona.
“Tash, populli dëshiron përgjigjet dhe për këtë shkak sot urdhëroj hetimet të plota mbi këtë katastrofë. Duhet të dimë se çfarë ka ndodhur, duhet të kemi shpjegime. Njerëzit meritojnë përgjigjet dhe ky hetim do t’iu ofrojë këtë”, tha sot May, transmeton Reuters.
Autoritetet britanike kanë njoftuar se deri më tani ka arritur në 17 numri i personave që kanë humbur jetën nga zjarri në ndërtesën 24 katshe.
Gjithashtu, përveç të vdekurve ishte raportuar se nga ky zjarr edhe një numër i konsiderueshëm i banorëve kanë pësuar lëndime.
Veç këtyre, ekipet e shpëtimit kanë thënë se: “Tragjikisht tani ne nuk presim të gjejmë një njeri të gjallë. Ashpërsia dhe nxehtësia e zjarrit do të thotë se do të ishte një mrekulli absolute nëse dikush do të mbetej gjallë”. /Telegrafi/