Një ditë pas inaugurimit të Presidentit të Shteteve të Bashkuara, Donald Trump, kryeministrja e Britanisë së Madhe, Theresa May, është shprehur se Donald Trump e kupton vlerën strategjike të NATO-s dhe se e njeh rëndësinë e domethënien e saj.
Deklarata e saj vjen pas shqetësimeve që janë ngritur nga deklaratat e mëhershme që Trump ka dhënë për NATO-n, të cilën e ka quajtur një organizatë të vjetruar, ndërsa aleatëve të SHBA-ve u ka kërkuar të paguajnë më shumë për NATO-n dhe sigurinë e tyre.
May, në një intervistë për “Financial Times”, është shprehur se beson se Britania e Madhe mund të zhvillojë një marrëveshje të re tregtare me SHBA-të, ndërsa pret që të takohet së shpejti me Trumpin në Washington. /KP/