Lionel Scaloni pranon se gjendja e Mauro Icardi në Inter nuk është e përshtatshme për kombëtaren, por këmbëngul se mund të thirret për Copa America.
Sulmuesi nuk u ftua në momentet e fundit në përfaqësuesen e Argjentinës pasi që mbeti për 36 ditë pa u stërvitur shkaku i një lëndimi të këmbës.
“Kam biseduar me Mauro para zbardhjes së emrave të skuadrës dhe i kam shpjeguar se pse nuk u ftua”, tha trajneri në një konferencë për shtyp.
“Ajo që po i ndodh atij në mënyrë të drejtpërdrejtë ka të bëjë me ekipin kombëtar. Midis tani dhe Copa America, ne do të peshojmë se çfarë do të ndodhë dhe do të shohim nëse do ta thërrasim apo jo”, tha më tutje ai.
“Natyrisht, është e qartë se ajo që po ndodh me të tani nuk është e përshtatshme për ne”, pohoi strategu.
Ndërkohë, shoku i klubit të Icardit, Lautaro Martinez do të bashkohet me Lionel Messin e Barcelonës në sulm për miqësoren e “Albicelestes” ndaj Venezuelës. /Telegrafi/