Prokuroria Speciale Publike në seancën e ardhshme më 19 dhjetor do të fillojë me leximin e dëshmive materiale për lëndën “Titanik” në Gjykatën penale, vendosi sot Këshilli Gjyqësor udhëhequr nga gjyqtari Osamn Shabani në seancën ku mbaroi leximi i SMS mesazheve.
Deri seancën e ardhshme mbrojtja e të akuzuarve duhet të dorëzojë listë se cilët materiale dëshmuese janë kryesore për t’u lexuar, në të kundërtën do të lexohen të gjitha.
Para përfundimit të seancës një pjesë të avokatëve të të akuzuarve dhanë vërejte për autenticitetin e mesazheve dhe materialet audio që u prezantuan nga ana PSP-së si dëshmi para gjykatës.
Në lëndën “Titanik” të akuzuar janë ish-kryeministri Nikolla Gruevski, Kirill Bozhinovski, Mile Janakieski, Gordana Jankulloska, Biljana Brishkoska Boshkovski, si dhe Ilija Dimovski, Munir Pepiq, Edmond Themelkko, Leko Ristovski, Kirill Todorovski, Katerina Vellovska, Stanko Korunovski, Kosta Markovski, Dragçe Dragçeski, Marjan Nakevski, Goce Janevski, Xhezmi Ahmet, Robert Davitkov, Dalibor Alleshkoviq dhe Lenka Rashajkovska.
Ata janë të dyshuar për shoqërim kriminal, shkelje të të drejtës së zgjedhjes, shkelje ndaj lirisë së përcaktimit të zgjedhësit, ryshfet gjatë zgjedhjeve dhe votimeve, shkatërrim të materialit zgjedhor dhe keqpërdorim të mjetetve për financimin e fushatës zgjedhore./Telegrafi/