Katër këngë të reja pritet të vijnë në tregun muzikor.
Kështu së paku ka bërë të ditur për Telegrafin, producenti Granit Gashi, ku ka zbuluar se produksioni Massive Production është duke realizuar katër këngë të reja.
Ai ka bërë të ditur se me kolegun Nurteel janë në përfundim e sipër të këngëve të reja të Leonora Jakupit, NRG Band, Nora Istrefit si dhe bashkëshortit të kësaj të fundit, Robert Berisha.
“Jemi në përfundim të disa projekteve që do të jenë hite të kësaj vere. Jemi në përfundim të këngës së Robert Berishës, Leonora Jakupit , Nora Istrefit dhe NRG band”, ka pohuar Gashi duke ia lënë kohës për detaje të tjera.
Massive Production pritet të sjell edhe këngë të reja në bashkëpunim me këngëtaret më eminent të estradës muzikore shqitpare, të cilat do të publikohen gjatë muajve të ardhshëm
Kujtojmë se Massive Production së fundi ka realizuar këngën e re të Norës, ‘Sa t’kom dasht’ dhe bashkëpunimin e Stresit me Morena Takun në këngën “Ki me bo”. /Telegrafi/
