Ambasadori i federatës ruse në Greqi, Andrey Maslov duke folu për televizionin grek “ERT” tha se integrimi i intensifikuar i Maqedonisë në NATO nuk do të kontribuojë në sigurinë dhe stabilitetin e gjendjes në Ballkan”.
Ai hodhi poshtë pretendimet se Rusia dëshiron të vendosë ndikim e vet në Ballkan, përcjell Telegrafi Maqedoni.
“Vendi ynë e pranoi vendin tuaj fqinj me emrin e ri, por për fat të keq zgjidhja e kontestit të emrit hapi rrugën e Maqedonisë në Aleancën veriatlantike dhe kjo s;do të ndikojë te siguria dhe stabiliteti i Ballkanit”, tha ambasadori i Rusisë në Athinë, Andrey Maslov.
Ambasadori rus në Greqi sqaroi se në vitet e fundit disa vende janë përpjekur që të krijojnë një rend të ri të gjërave “që nuk bazohet në të drejtë ndërkombëtare, por në të ashtuquajturat rregulla që këto vend vet i vendosin dhe i prezantojmë si qëndrim i supozuar i bashkësisë ndërkombëtare”.
“Sa i përket politikës së Rusisë në Ballkan, i hedhim poshtë pretendimet që shpesh i shohim nëpër media se Rusia dëshiron të vendos ndikimin e vet në Ballkan. Ne duam të zhvillojmë marrëdhëniet me gjithë vendet e Ballkanit në nivel bilateral dhe jemi të gatshëm t’i zhvillojmë këto marrëdhënie në nivel në të cilën vet vendet e dëshirojnë”, sqaroi Maslov në intervistë për “ERT”./Telegrafi/