Fituesja e lotarisë e njohur vetëm si N.Gray nga Xhamajka, ka vënë maskën që duket sikur një fytyrë e buzëqeshur, kur shkoi ta pranonte çekun e parave.
Buzëqeshja në fytyrën e saj duket se ka mbetur ende, pasi ajo ka fituar 190 milionë dollarë xhamajkan, që janë afro dy milionë euro, transmeton Telegrafi.
Mirëpo, ajo deshi të mbetej anonime, sepse nuk dëshiron që askush ta bezdisë për para, veçanërisht kriminelët.
“Fillova të luaj lotari prej janarit, ja tani fitova. Dua të paguaj disa borxhe, të investoj në diçka dhe të shëtis pak” ka thënë N.Grey.
Kompania që e organizon lotarinë, lejon që fituesit të mos shfaqen publikisht, megjithëse i obligon të dalin para një audience të ngushtë. Shumica prej tyre, kanë frikë se mund të jenë në ndjekje prej grupeve kriminale dhe fitorja do t’ju rëndojë jetën.
Por, kjo grua e maskuar, është më kreativja që kërkoi të mos prezantohet, por megjithatë të del në konferencë për medie. /Telegrafi/