Ministria e Arsimit dhe Shkencës gjatë fundjavës ka publikuar konkursin për regjistrimin e nxënësve në arsimin e mesëm në vitin shkollor 2019/2020, për arsimin në gjimnaze, arsimin profesional dhe arsimin e mesëm për nxënësit me nevoja të veçanta arsimore.
Paraqitja dhe regjistrimi i parë i nxënësve do të jetë më 17 dhe 18 qershor 2019, ndërsa listat me rezultatet nga regjistrimi dhe vendet e lira do të publikohen më 19 qershor, përcjell Telegrafi Maqedoni.
Paraqitja dhe regjistrimi i dytë i nxënësve do të bëhet më 24 dhe 25 qershor, ndërsa rezultatet dhe vendet e lira do të publikohen më 26 qershor.
Paraqitja dhe regjistrimi i tretë i nxënësve do të bëhet më 1 korrik 2019, ndërsa rezultatet nga regjistrimi dhe vendet e lira do të publikohen ditën e ardhshme.
Të dhëna për vendet e lira sipas paraleleve dhe gjuhës mësimore për të gjitha shkollat në vend si edhe informacione për dokumentet e nevojshme dhe kushtet dhe kriteret për regjistrim i përmban Konkursi të cilin MASH e publikoi në ueb faqen e saj./Telegrafi/