Certifikata dixhitale e COVID-it do të jetë kusht për të hyrë në qendrat e biznesit, pra në ndërtesat në të cilat operojnë më shumë se tre njësi dhe që nga 9 tetori, do të jetë e nevojshme për të shkuar në megamarkete, sipërfaqja e të cilave është mbi 1.000 metra katrorë në Mal të Zi.
Në të njëjtën kohë, certifikata, në përputhje me masat e reja të Qeverisë së Malit të Zi, të cilat u shpallën dje, tani lëshohet menjëherë pas dozës së dytë të vaksinës, kur ajo të bëhet e vlefshme, raporton rtcg.me.
“Përveç hyrjes në qendrat tregtare dhe në brendësi të objekteve hotelierike, certifikata Kombëtare dixhitale COVID është gjithashtu një kusht për të hyrë në qendrat e biznesit; ndërtesat e biznesit brenda të cilave veprojnë më shumë se tre subjekte biznesi; objekte që merren me tregti jo-ushqimore, dhe zona e të cilave tejkalon më shumë se 1.000 metra katrorë”, tha drejtori i Institutit të Shëndetit Publik (ISHP), Igor Galiq.
Pronarët, përdoruesit dhe menaxherët e këtyre objekteve janë të detyruar të kontrollojnë dhe të emërojnë një person përgjegjës për pajtueshmërinë me këtë masë.
Ndryshe, masat e reja lejojnë edhe muzikën live në brendësi të objekteve hotelierike, me detyrimin që të gjithë punonjësit, muzikantët dhe mysafirët të kenë një certifikatë digjitale. /Telegrafi/
