Javier Mascherano ka pranuar se karrierës së tij në Barcelonë po i vjen fundi dhe do të shqyrtojë largimin në fund të sezonit aktual.
Kontrata e 33-vjeçarit argjentinas në Camp Nou shkon deri në qershor të vitit 2019, por ai pranoi se ai ka keqardhje për kohën e largimit të tij nga Liverpooli dhe nuk dëshiron që kjo të ndodhë njësoj edhe te gjigantët katalanas.
“Unë mendoj se koha ime këtu [te Barcelona] po përfundon”, ka thënë fillimisht Mascherano për ESPN.
“Ka kuptim që pas një kohe kaq të gjatë nuk mund të bëj më shumë në këtë klub”.
“Nuk po them me zemër të rënduar. Unë kam pasur vitet më të mira të karrierës sime në këtë klub. Nuk do ta harroj kurrë”.
“Jam një nga ata njerëz që mendojnë se duhet të dini kur është koha e duhur për t’i dhënë fund një skene”.
“Do të doja të mbyllja mendjen (në Barcelonë) në kohën e duhur, por nuk varet nga unë”.
“Jam i predispozuar për ta mbyllur atë në kohë, sepse kur u largova nga Liverpooli nuk ishte mirë për mua dhe nuk më pëlqeu”.
“Nuk më pëlqente të kisha ndjenjën se mund të kthehesha në Liverpool dhe atje ishte akoma diçka toksike. Dhe nuk dua që të ndodhë e njëjta gjë në Barcelonë”, përfundoi argjentinasi. /Telegrafi/