Qeveria e Kosovës ka miratuar sot masat e reja për kontrollin, parandalimin dhe luftimin e pandemisë COVID-19, të cilat do të hyjnë në fuqi më 6 dhjetor.
Sa i përket mbledhjeve publike dhe private, në vendim bëhet e ditur se ceremonitë dhe ritet fetare lejohen të zhvillojnë aktivitetin e tyre deri në 50% të kapacitetit shfrytëzues me kusht që posedojnë dëshmitë për COVID-19.
“Mbajtja e pritjes për ngushëllim/krye shëndosh lejohet deri në ambiente të mbyllura deri në 30 persona, ndërsa në ambiente të hapura lejohen deri në 70 persona, me zbatimin e masave mbrojtëse”, thuhet në vendim.
Tutje, në njoftim thuhet se “lejohen funeralet vetëm me pjesëmarrje të familjes së ngushtë, duke siguruar që pjesëmarrësit të mbajnë distancë fizike prej 1 metër nga njëri – tjetri”. /Telegrafi/
