U zbulua se aktori Lukas Gage dhe stilisti i flokëve, Chris Appleton, janë martuar fundjavën e kaluar në Las Vegas.
Chris është 12 vjet më i madh se ylli amerikan, por ata nuk mund të dukeshin më të lumtur duke parë në sytë e njëri-tjetrit në ndarjen e çmimeve “Fashion Los Angeles” të Daily Front Row në Beverly Hills.
Page Six raportoi të hënën se Lukas dhe Chris u martuan para vetëm gjashtë të ftuarve në Little White Chapel pasi aplikuan për një licencë martese në Clark County.
Ishte i njëjti vend dasme ku Kourtney Kardashian&Travis Barker, Joe Jonas&Sophie Turner, Bruce Willis&Demi Moore dhe Frank Sinatra&Mia Farrow ecnin më parë në korridor.
Dy nga të ftuarit e tjerë ishin dy fëmijët e Appleton – djali 19-vjeçar Billy dhe vajza 17-vjeçare Kitty – të cilët i ndan me Katie Katon, përpara se të dilte si homoseksual në moshën 26-vjeçare.
Gage dhe Appleton kanë qenë në lidhje që nga shkurti kur ata ndanë foto nga pushimet nga St. Regis Punta Mita Resort në Meksikë.
Sa i përket karrierës profesionale, Gage do të jetë i ftuar në dy episode të sezonit të tretë me 10 episode të komedisë së Chris Kelly dhe Sarah Schneider, “The Other Two”, e cila do të shfaqet premierë më 4 maj në HBO Max.
Ndërkohë, Chris – i cili fitoi çmimin “Hair Artist of the Year” – ka një listë klientësh që përfshin Kim Kardashian, prezantuesen Dreë Barrymore, Jennifer Lopez dhe këngëtaren Dua Lipa. /Telegrafi/
