Trajneri i Belgjikës, Roberto Martinez e sheh si të dobishëm për Eden Hazardin ardhjen në krye të klubit të Chelseat, Maurizio Sarrin.
Futbollisti belg ishte në radarin e Real Madridit, por duket se edhe këtë verë nuk do të ketë transferim të lojtarit te spanjollët.
Martinez ka deklaruar se nuk është lajm i keq qëndrimi i mesfushorit te Chelsea, pasi beson në kualitetet e trajnerit italian.
“Nuk është një lajm i keq që ka qëndruar në Angli. Kur Reali dëshiron të transferojë, mund t’i thuash vetes ‘Ky është rasti i jetës'”, por Edeni nuk e pa në atë mënyrë”.
“Në Chelsea kishte arritur Sarri dhe e kuptoj se klubi nuk dëshironte ta humbiste lojtarin më të mirë. Është logjike që po kërkohet nga shumë klube. Edeni është një djalë i mirë. Ai pranoi pozicionin dhe do të mbetet edhe këtë sezon”.
“Jam i lumtur që e pash sërish në fushë kundër Arsenalit dhe ishte vendimtar në super takimin”.
“Gjëja më e rëndësishme është ajo që tregon në fushë. Pashë golin e tretë të Chelseat kundër Arsenalit, ku shënoi Marcos Alonso pas një kalimi të Hazardit dhe e di çfarë do të thotë për The Blues”.
Ndryshe, 27-vjeçari deri më tani ka pasur 211 paraqitje në të gjitha garat dhe ka shënuar 70 gola. /Telegrafi/