Kapiteni i Palermos, Alessandro Martinelli, është detyruar të pensionohet në moshën 27 vjeçare si pasojë e problemeve me zemrën.
“Ekzaminimet e thella mjekësore, të cilave iu është nënshtruar Alessandro Martinelli në javët e fundit, fatkeqësisht kanë treguar se është e pamundur për të që ta vazhdojë karrierën si futbollist”.
“Të gjithë te Palermo shprehin keqardhje të thellë dhe i qëndrojnë afër Martinellit, i cili ka qenë ndër protagonistët më të rëndësishëm për ringjalljen e Rosanero dhe një lider, si në fushë ashtu edhe jashtë saj.
“Faleminderit për karakterin e jashtëzakonshëm, si edhe për talentin e madh si sportist”, thuhet në njoftimin e lëshuar nga klubi italian.
Palermo falimentoi dhe u kthye në Serie D në vitin e kaluar, ndërsa tashmë është ngritur në Serie C.
Martinelli ka luajtur për ekipe, si Sampdoria, Venezia, Modena e Brescia, para se të nënshkruante për klubin sicilian në vitin 2019. Ai ka luajtur edhe për grupmoshat e Zvicrës deri në U-21. /Telegrafi/