Disa djem kishin vendosur që të merrnin me qira një vilë në periferi të Parisit, për të organizuar një festë ditëlindjeje.
Ata i ishin drejtuar agjencisë ‘Airbnb’, për të siguruar vilën.
Pasi arritën në godinë, të rinjtë bënë një shëtitje në kopsht dhe bënë një zbulim makabër: gjetën kufomën e një gruaje të dekompozuar.
Të shokuar për gjetjen, ata njoftuan menjëherë policinë, përcjell GSH.
Viktima ende nuk ishte identifikuar dhe autoritetet i bënë ekspertizën dhe nisën hetimet për zbardhjen e ngjarjes.
Pronari i vilës, një person i quajtur Emmanuel L, i cili ndodhet me pushime së bashku me gruan dhe fëmijë, pritet të merret në pyetje nga hetuesit.