Bazuar në një njoftim zyrtar të OEK-së, marrëveshja e bashkëpunimit mes dy Odave është nënshkruar në Sarajevë nga Nënkryetarja e OEK-së, Zineta Daci dhe Kryetari i Odës së Federatës së Bosnjës dhe Hercegovinës, Avdo Rapo.
"Palët nënshkruese të Marrëveshjes në harmoni me ligjet në fuqi në Bosnje e Hercegovine dhe në Kosovë do të përkrahin dhe nxisin aktivitetet e orientuara në promovimin dhe zhvillimin e këmbimit të mallrave dhe bashkëpunimit ekonomik në mes të ndërmarrjeve të interesuara, duke pas parasysh marrëveshjen mbi tregtinë e lirë në mes të Kosovës dhe Bosnjës e Hercegovinës", thuhet në marrëveshje.
Pas nënshkrimit të marrëveshje Nënkryetarja e OEK-së Zineta Daci ka deklaruar këtë marrëveshje e sheh si pikënisje të bashkëpunimit zyrtar në mes të dy shteteve dhe njohjes së Republikës së Kosovës nga Republika e Bosnjës dhe Hercegovinës.
"Odat Ekonomike nuk janë organizata politike por si avokate te komunitetit të biznesit janë nismëtare që dy Qeveritë të pranojnë njëra tjetrën".
Në anën tjetër Kryetari i Odës Ekonomike të Federatës së Bosnjës e Hercegovinës, Avdo Rapa ka deklaruar marrëveshja është edhe një hap përpara në vazhdimin dhe thellimin e bashkëpunimit tonë.
“Ndërmarrësit e Bosnjës dhe Hercegovinës janë prezent në Kosovë ne forma të ndryshme, përmes përfaqësive, panaireve dhe format tjera.
Nënshkrimi i marrëveshjes së sotme është edhe një hap konkret në thellimin e bashkëpunimit ekonomik edhe në lëmit tjera, në të cilat deri me tani nuk kemi pas bashkëpunim, sepse ekzistojnë mundësi të mëdha të cilat janë në interes të dyanshëm”. /Telegrafi/