Bisedimet midis Mbretërisë së Bashkuar dhe Bashkimit Evropian mund të vazhdojnë edhe në vitin e ri, në rast se nuk arrihet asnjë marrëveshje tregtare, burimet e BE-së, e kanë cituar deklaratën e Micheal Barnier.
Një burim i konfirmoi për EuroNews raportimet e AFP-s, që kryenegociatori i BE-së nuk do t’ia ‘mbyllte derën’ Mbretërisë së Bashkuar, dhe se ai mbetet i gatshëm të negociojë edhe përtej 1 janarit.
Më herët, Barnier tha në Bruksel se skuadrat evropiane dhe britanike po i jepnin një “shtytje përfundimtare” bisedimeve të tyre për një marrëveshje pas Brexit-it.
Mbretëria e Bashkuar lë tregun evropian më 31 dhjetor, pasi anëtarësimi i saj në Bashkimin Evropian përfundoi në fillim të këtij viti.
“Ne jemi me të vërtetë në një moment vendimtar dhe po i japim një shtytje të fundit”, iu tha Barnier gazetarëve të martën.
“Në 10 ditë, MB-ja do të largohet nga tregu i vetëm dhe unë do të vazhdoj të punoj tani me një transparencë totale me vendet anëtare dhe me Parlamentin Evropian”, tha mes tjerash ai. /Telegrafi/