Prokurorja e përgjithshme e përkohshme, Arta Marku në seancën e sotme parlamentare ka prezantuar raportin e Prokurorit të Përgjithshëm mbi gjendjen e kriminalitetit për vitin 2018.
Marku tha se viti 2018 ka qenë një vit jo i zakonshëm për prokurorët dhe gjyqtarët për shkak të vettingut.
“Shumë prokurorë kanë qenë në kontakt të vazhdueshëm me KPK-në gjatë gjithë vitit. Vettingu i domosdoshëm, por i ka bërë prokurorët të pasigurt dhe apatikë”, tha Marku.
Ajo tha se janë ndjekur gjithsej rreth 48 mijë procedime penale.
“Janë bartuar nga viti 2017, 10,919 procedime penale. Janë regjistruar 109 procedime penale nga ana e prokurorisë. Ndërsa në vitin 2018 janë dërguar në gjykatë 11,790 çështje”, tha ajo.
Numrin më të madh të procedimeve e ka regjistruar gjykata e shkallës së parë në Tiranë.
“Përqindja më e ulët e kriminalitetit në Dibër më e larta në Vlorë. Vjedhja e pasurive përbën numrin më të madh të të procedimeve penale të regjistruara”, bëri me dije Marku. /TCH/