Ish Prokurori i Përgjithshëm Shtetëror Marko Zvërlevski hapi zyrë avokatie. Zyra është e hapur në qendër të Shkupit, në rrugën “Hristo Smirnenski”. Kërkesa mori dritën e gjelbër tek Regjistri Qendror dje më 20 gusht.
Tek dosja e avokatëve tek Dhoma e Avokatëve ende nuk është emri dhe mbiemri i tij si avokat aktiv. Kuvendi i shkarkoi Zvërlevskit për shkak të punës jo profesionale dhe të papërgjegjshme dhe për këtë shkak, ai nuk ka të drejtë të kthehet në vendin e kaluar të punës, tek Prokuroria Publike – Shkup, përcjell Telegrafi Maqedoni.
Sipas të dhënave të biografisë së Zvërlevskit, ai dy vite, në periudhën 1998-2000 ka qenë avokat./Telegrafi/