Marko Caka ka filluar punën edhe për një film të ri hollivudian.
Bëhet fjalë për Ocean 8, i cili do të mbledh shumë yje botërore të skenave filmike.
Kështu së paku ka thënë për Telegrafin aktori 45-vjeçar, i cili ka luajtur edhe në filmin ‘Bridge of Spies’ përkrah Tom Hanksit.
“Sot kanë nisur xhirimet në filmin e madh te Ocean 8. Për herë të parë luajnë të gjithë yjet e tillë si Sandra Bullock, Anne Hathaway, Cate Blanchett, Charlotte Kirk, Dakota Fanning, Sarah Poulson, Rihanna, Matt Damon dhe Domian Lewis”, tha Caka.
Caka ka zbuluar se do të luajë rolin e një fashionisti evropian ndërsa për herë të parë do të shfaqet në kinematë botërore në vitin 2018.
“Unë do të luajë rolin e një fashionisti evropian. Është një film i zhanrit aksion dhe prodhimi i Warner Bros. Do të dalë në kinematë botërore në qershor të 2018. Në këtë film ka performance të vogël edhe këngëtarja Rihanna”, përfundoi Caka. /Telegrafi/