Në forumin Ekonomik Botëror të Davosit, kancelarja gjermane Angela Merkel bëri thirrje për reforma urgjente financiare.
Gjatë një fjalimi të mbajtur pasditen e së enjtes, Merkel theksoi se Europa shpesh herë përballet me sfida të mëdha dhe jo rrallë dëgjojmë të thuhet se e kemi nën kontroll krizën ekonomike, por ne se kemi kaluar akoma atë.
“Kemi nevojë për politika fiskale orientuese, për investime nga shteti, por mbi të gjitha na duhen kushtet për të mbështetur investitorët privatë”, theksoi Merkel.
Kancelarja gjermane e mbajti fjalimin e saj para deklaratës së Bankës Qëndrore Europiane, (BQE) për fillimin e lehtësimeve në blerjen e letrave me vlerë publike dhe private, në përpjekje të ulë inflacionin e tej zgjatur. /Telegrafi/