Finalja e vitit 2016 ishte e gjitha spanjolle, apo thënë ndryshe madrilene pasi dy skuadrat e Madridit, Real dhe Atletico Madrid luanin në finale.
Ka qenë një finale dramatike ku u kontestua gjatë për golin e shënuar nga Sergio Ramos në minutën e 15-të.
Mbrojtësi spanjoll ishte më i avancuar, derisa katër vite më vonë këtë e ka pranuar gjyqtari i asaj ndeshje anglezi Mark Clattenburg.
Koha e rregullt përfundoi në barazim 1-1, ndërsa në penallti Reali triumfoi me rezultat 5-3.
“Në atë takim Reali kaloi në pjesën e parë në epërsi, me një gol të shënuar nga Ramos, por që ishte pozitë jashtë loje”.
“Këtë gabim e kuptuam vetëm kur përfundoi pjesa e parë dhe asistenti im kishte gabuar në atë rast”, deklaroi Clattenburg.
Anglezi akordoi penallti për Atleticon me të filluar pjesa e dytë, kur Pepe ndërhyu në mënyrë të palejueshme brenda zonës ndaj Fernando Torres.
Clattenburg zbuloi edhe bisedën që kishte me portugezin në momentin e akordimit të penalltisë.
“Nga gabimi i ynë në pjesën e dytë arrita ta menaxhoja mirë Pepen kur shkaktoi penallti. Ai mu afrua dhe më tha se nuk mund të ishte ajo penallti, ndërsa ia ktheva se goli i tyre ishte në pozitë jashtë loje dhe ai menjëherë heshti”, tha Clattenburg.
Anglezi e pranoi se ishte një gabim i paqëllimshëm, por deklaroi se këto gabime i ndodhin të gjithëve dhe se Ramos ishte vetëm pak centimetra në pozitë jashtë loje dhe se ka qenë tejet e vështirë të vërehet. /Telegrafi/
