Një klient guximtar ishte në gjendje të ndalonte një përpjekje për grabitje të armatosur në një dyqan në jug të Arizonës, duke i dhënë fund kërcënimit në pak sekonda.
Zyrtarët thonë se incidenti ndodhi rreth orës 4:30 të mëngjesit të së mërkurës në një dyqan Chevron në Yuma, përcjell Telegrafi.
Ndërkohë pamjet e kapura nga kamerat e vëzhgimit nga brenda dyqanit tregojnë tre persona duke u përpjekur të hyjnë në dyqan me fytyrë të mbuluar.
Njëri prej tyre është i armatosur me pistoletë, duke i drejtuar armën arkëtarit.
Një klient, i cili më vonë u tha zyrtarëve se ai shërbente në Trupat e Marinës së Shteteve të Bashkuara, menjëherë shkon drejt të dyshuarve, duke çarmatosur njërin dhe duke i trembur dy të tjerët, të cilët u larguan nga dyqani. /Telegrafi/
