Bojan Mariçiq, këshilltar për integrimeve euroatlantike në kabinetin e Zoran Zaevit, për “Telma” tha se është një sukses që brenda dy viteve kthehemi në tryezën ku po merret vendim për negociatat me BE-në.
“Duhet të hedhim një vështrim se nga kemi filluar dhe ku kemi arritur. Në vitin 2017 kemi pasur një situatë të ngërçit të plotë në integrimet evropiane, kemi pasur 2 vjet rresht rekomandime të ngrirë për të filluar negociatat dhe një pikë referimi për shtet të robëruar. Kjo është pika e fillimit e vitit 2017 për këtë qeveri. Kërcimi nga robëria, dy vite më vonë në kthimin e tryezës së vendimmarrësve më të lartë për të marrë një vendim për negociatat, duhet ta njohim si sukses, dhe se ne po ecim përpara”, tha ai.
Mariçiq tha se me të gjitha problemet dhe të gjitha çështjet kemi marrë një raport jashtëzakonisht pozitiv i cili është më pozitivi deri më tani, sepse kemi pasur reforma të vështira në vend, kemi lëvizje të mëdha për çështje të caktuara, kemi një “procesverbal” të çështjeve gjyqësore dhe rasteve të komisionit për antikorrupsion që ishte e pamundur vite më parë. /Telegrafi/