Sipas radiostacionit spanjoll, COPE, Mariano Diaz do ta bartë fanellën me numrin ikonik 7, të cilën e ka bartur Cristiano Ronaldo nga sezoni 2010-2011.
Sulmuesi 25-vjeçar u kthye te Los Blancos nga Lyoni për një shumë prej afro 23 milionë eurosh dhe premton të shndërrohet në njërin prej lojtarëve të rëndësishëm të klubit madrilen.
Edhe pse shumëkush mendon se Mariano nuk mund të përfshihet menjëherë në formacionin startues të Realit, mediat po spekulojnë se atij do t’i jepet fanella me numrin që e ka bartur CR7.
Superylli portugez e trashëgoi numrin 7 nga legjenda Raul Gonzalez në sezonin 2010/2011 dhe e barti atë deri në sezonin 2017/2018, kur edhe u largua drejt Juventusit.
Emilio Butragueno, Juanito dhe Amancio, janë futbollistët tjerë që e kanë bartur këtë numër.
Kur u njoftua për transferimin e Marianos nga Real Madridi, AS kishte bërë një sondazh se cili numër do të duhej t’i ndahej duke vënë në përzgjedhje numrat 7, 15, 16, 23, që janë të lirë.
Ndërsa shumica e 16.000 votuesve kishin zgjedhur pikërisht fanellën me numrin 7. /Telegrafi/