Mariah Carey ka folur për jetën e saj personale si kurrë më parë.
Këngëtarja në librin që pritet të publikohet në shtator “The Meaning of Mariah Carey”, ka diskutuar edhe romancën me yllin e bejsbollit, Derek Jeter, sipas një bisede që ajo së fundmi bëri me Vulture.
Carey madje konfirmoi se dy këngë nga albumi i saj “Butterfly” i vitit 1997 ishin për ish-lojtarin e Yankee.
Në librin e saj, 50 vjeçarja fituese e ‘Grammy’ tregon se ajo filloi t’i shkruante Jeter “fshehurazi” pasi u takua me të në një darkë.
Në atë kohë, ajo ishte ende e martuar me producentin Tommy Mottola, edhe pse ata u divorcuan në 1998.
Carey pranoi një “puthje klandestine” mes tyre në pjesën e sipërme të ndërtesës së tij e cila e frymëzoi edhe për këngën e saj “The Roof”.
“Nuk mund ta harroj kurrë atë moment”, rrëfeu ajo. “Dua të them, nuk është sikur të ishte thellësisht intensive, stimuluese intelektuale – përsëri, ishte një moment i shkëlqyeshëm dhe ndodhi në një mënyrë hyjnore sepse më ndihmoi të kaloja jetën atje, në Sing Sing, sipas atyre rregullave dhe rregulloreve”.
Carey gjithashtu tha që “My All” kishte të bënte me Jeter.
Këngëtarja gjithashtu u martua muzikantin Nick Cannon në 2008 dhe të dy ndajnë binjakët nëntë vjeçarë Moroccan dhe Monroe, por çifti u divorcua në 2016.
Ndërkaq, “The Meaning of Mariah Care” pritet të publikohet online më 29 shtator. /Telegrafi/