Chelsea ka marrë një fitore spektakolare të dielën në mesditë, ku mposhti rivalin lokal Tottenham Hotspur me rezultat 3-4.
The Blues ishin duke humbur 2-0, por pas një përmbysje spektakolare në fund morën tre pikët.
Por, trajneri i Chelseat, Enzo Maresca vazhdon të insistojë se skuadra e tij nuk është në garë për titull.
Italiani ka thënë se rivalët e Chelseat si Arsenal, Man City dhe Liverpool nuk rrëshqasin siç bëri Cucurella.
“Arsenali , City dhe Liverpool ndoshta nuk rrëshqasin, siç bëri Cucurella”, tha Maresca duke qeshur.
“Për të qenë serioz, ne nuk jemi gati, jemi larg këtyre skuadrave, por fokusohemi dita-ditës dhe përpiqemi të përmirësojmë ekipin”, deklaroi Maresca.
Chelsea është katër pikë prapa liderit të ligës Liverpool që ka një ndeshje më pak.
Megjithatë, Blutë janë përpara të gjithë të tjerëve, përfshirë Arsenalin që humbi pikë kundër Fulham të dielën. /Telegrafi/