Dëmi i shkaktuar nga bllokimi 18-ditor i kalimit kufitar Greqi-Maqedoni është i madh, theksuan nga shoqata e transportuesve ”Makam-Trans”. Sipas përfaqësueses së kësaj shoqate, Biljana Muratovska, kompanitë transportuese kanë pësuar dëme në vlerë prej miliona eurove.
“Transportuesit kanë vuajtur dëme prej miliona eurove. Nëse llogarisim se çdo ditë, në vendkalimin kufitarë Bogorodicë kalojnë të paktën 100 automjete të rënda, dëmi për 10 ditët e para të bllokimit arrin mbi 2 milion, duke llogaritur mesatarisht 200 euro dëme në ditë për automjet. Kësaj vlere u shtohen edhe dëmet financiare të shkaktuara nga dërgesat e humbura dhe shpenzimet për përdorimin e rrugëve alternative”, deklaroi Biljana Muratovska nga Shoqata e transportuesve “Makam-trans”.
Kryetari i Odës Ekonomike të Maqedonisë, Branko Azeski theksoi se mbyllja e pikës kufitare Evzoni, ka goditur keq kompanitë që importojnë nga porti i Selanikut. Ai thotë se ende nuk kanë të dhëna rreth dëmeve që kanë pësuar kompanitë, por premtoi që të gjitha shpenzimet shtesë, kompanive do t’u kompensohen.
Vendkalimi kufitar Evzonit që ishte mbyllur për 18 ditë është kalimi më i afërt nga portit i Selanikut. Kjo pikë kufitare u bllokua nga ana e bujqve grek, për shkak të mos pranimit të kërkesave të tyre për reforma në tatimore nga ana e autoriteteve greke./Telegrafi/