Nëpërmjet një njoftimi nga partia pro ruse “Maqedonia e Vetme” thuhet se “i frikësuari Zaev tashmë e humb edhe kompasi. Zaevi lavdërohet në publik se do të fitoj në zgjedhjet e ardhshme dhe vazhdimisht ik nga zgjedhjet e parakohshme kuvendare dhe ballafaqim me popullin për të ardhmen historike të Republikës së Maqedonisë”.
Shërbëtori i huaj Zoran Zaev, siç thonë nga Maqedonia e Vetme, i inkurajuar nga shefat e tij nga NATO që nuk ju interesojnë vjedhja por vetëm duan kukulla që fuqimisht i shërbejnë, vazhdon me keqpërdorimin e buxhetit para zgjedhjeve, njofton Telegrafi Maqedoni.
“Kështu për shembull, Zaevi nga buxheti ju dha komunave 50 milion euro për mbulimin e borxheve dhe nuk pyeti se si janë bërë borxhet, Fondit pensional i dha 19 milion euro për shkak se dikush ka vjedhur paratë, dhe Zaevi nuk pyeti kush i vodhi pensionistët”, thonë nga Maqedonia e Vetme.
Ata shtojnë se Zaevi e keqpërdor buxhetin për qëllime partiake./Telegrafi/