Në Republikën e Maqedonisë sot me disa aktivitete të organizuara nga institucionet shtetërore u shënua 23 tetori – Dita e luftës revolucionare të Maqedonisë.
Me këtë rast, delegacione të Kuvendit dhe Qeverisë së Maqedonisë do të vendosin kurorë lulesh para monumentit të Goce Delçevit në Parkun e Qytetit.
Çmimi tradicional “23 Tetori” për arritje të mëdha në fusha të ndryshme këtë vit nuk do të ndahet. Ky vendim u miratua në seancë qeveritare pas propozimit të Ministrisë së Kulturës për shkak të asaj se Komisionit për ndarjen e këtij çmimi i kaloi mandati në muajin shkurt të këtij viti.
Më 23 tetor të vitit 1893 në Selanik, u formua Komiteti revolucionar maqedonas, nga i cili më vonë doli Organizata Revolucionare Maqedonase (VMRO), e cila besohet se luftoi për çlirimin e Maqedonisë.
Ndryshe, 23 tetori është ditë jo pune për të gjithë qytetarët e Maqedonisë. Kjo ditë shënohet që nga viti 2007 kur u miratua Ligji i ri pë festat shtetërore në Maqedoni./Telegrafi/