Ministria e Shëndetësisë njofton se vaksinimi kundër gripit sezonal në të gjithë vendin do të fillojë sot dhe do të kryhet në qendrat shëndetësore publike dhe në njësitë e tyre rajonale.
“Vaksina mbulon të gjitha llojet e virusit të gripit që qarkullojnë në hemisferën veriore, duke përfshirë rajonin Evropian dhe Maqedoninë, e përgatitur sipas rekomandimeve të OBSH-së dhe mbron kundër tri llojeve të virusit të gripit të grupit A dhe një lloji të virusit të grupit B, ndërsa prodhues është Abot nga Holanda”, thuhet në njoftimin e Ministrisë së Shëndetësisë, përcjell Telegrafi Maqedoni.
Nga ministria shtojnë se vaksinimi është masa e vetme parandaluese mbrojtëse kundër gripit dhe është e rekomanduar për njerëzit mbi 65 vjeç, veçanërisht personat me sëmundje kronike, fëmijët e vegjël nën 3 vjet me imunitet të dobët, punonjësit e shëndetësisë, personat me sëmundje kardiovaskulare dhe respiratore, si dhe në përgjithësi për njerëzit me imunitet të dobët.
Nga MSH thonë se vaksinimi kundër gripit nuk është i patjetërsueshëm dhe jepet në bazë vullnetare. Çmimi i vaksinimit kundër gripit sezonal është 400 denarë, sikurse vitet e kaluara./Telegrafi/