Rreth 180 mijë euro, ose 2 mijë ton eksport i parealizuar janë vlerësimet për dëmet që u shkaktuan nga vendimi i Kosovës për rritjen e doganave për 30 për qind për prodhimet bujqësore.
Shefi i kabinetit në Ministrinë e Bujqësisë, Trajan Dimkovski, sot në konferencë tha se dëmet janë vlerësuar në bazë të eksportit në vitin e kaluar në periudhën 18 deri 31 korrik, periudhë në të cilën ka qenë në fuqi vendimi i Qeverisë së Kosovës, përcjell Telegrafi Maqedoni.
“Kosova solli vendim me të cilin rriti doganat më 18 korrik, më pas shfuqizoi pjesërisht, ndërsa para disa ditësh e tërhoqi tërësisht vendimin. Vitin e kaluar në këtë periudhë, prej 18 deri 31 korrik Maqedonia në Kosovë ka eksportuar rreth 2 mijë ton prodhime bujqësore me vlerë prej 180 mijë eurove”, tha Dimovski./Telegrafi/