Që të tejkalohet më lehtë kjo gjendje Sindikata e tekstilit kërkon masa më pak të dhimbshme për tejkalimin e periudhës të krizës dhe në vend të pushimit nga puna tu zvogëlohen rrogat, të shkurtohet orari i punës. Kryetari i Sindikatës thotë se të gjitha firmat nuk janë të përgatitura për këtë propozim.
“Një pjesë janë, një pjesë s’janë, sepse disa dëshirojnë të shpëtojnë edhe nga prodhimtaria sepse nuk mund të punojnë më në këtë industri. Presioni është tepër i madh, çmimet janë shumë të vogla ndërsa për përfitim mos të flasim. Në këtë rast do të mbyllen edhe kompanitë”, tha Angellko Angellkovski, kryetar i Sindikatave të punëtorëve të tekstilit për Alsat-m.
Ekspertët thonë se kjo do të jetë keqësim shtesë e situatës, të cilët edhe pa largim nga puna nuk është pozitive. Posaçërisht kur përqindja e papunësisë në Maqedoni është më e larta në Evropë.
Që të kalohet kriza në këtë sektor nga tekstili kërkuan liberalizim të kushteve bankare për kreditim, por edhe kthimi në kohë të TVSH nga ana e shtetit. Përndryshe, nga fillimi i krizës në vitin 2009, rreth 30 për qind të reparteve u mbyllën ndërsa Enti statistikor edhe më tej shënon ulje të prodhimtarisë. /Telegrafi/