Vitin e kaluar në vend kishte 21.333 lindje të fëmijëve, ndërsa numri i vdekjeve ishte 19.727, njoftojnë sot nga Enti Shtetërore për Statistika. përcjell Telegrafi Maqedoni.
Sipas të dhënave të publikuara, më shumë fëmijë kanë lindur në zonat urbane sesa në zonat rurale, gjegjësisht numri i lindjeve në zonat urbane ishte 12.598 kundrejt 8.735 të sapolindurve në zonat rurale. Sipas rajoneve, rajoni me numrin më të madh të lindjeve është rajoni i Shkupit me 37.6 përqind, ndërsa rajoni me numrin më të vogël të lindjeve është pjesa lindore me 6.5 përqind.
Në zonat urbane, mosha mesatare e nënave është më e lartë se në zonat rurale, ndërsa e njëjta është situata me moshën mesatare të nënave në lindjet e para. Statistikat tregojnë se mosha mesatare e nënave në zonat urbane është 29.8 vjet krahasuar me 28.1 vjet në zonat rurale.
Tek vdekjet, numri i vdekjeve në zonat urbane është më i lartë se në zonat rurale. Kështu, në qytete, numri i vdekjeve është 12.091, krahasuar me 7.636 në zonat rurale. Pjesëmarrje më të madhe ka rajoni i Shkupit, ndërsa pjesëmarrje më të vogël ka Vardari. Numri i foshnjave të vdekur në zonat urbane është 69, ndërsa në zonat rurale 53 foshnje./Telegrafi/