Ministrja e Brendshme, Gordana Jankuloska, ka thënë se droga ka qarkulluar në relacionin Bullgari – Maqedoni në drejtim të Tetovës, organizuar nga një grup kriminel ndërkombëtar, ndërsa ka qenë e dedikuar për tregun e Maqedonisë dhe të Kosovës.
Zhurnal raporton se nën emrin operativ "Tehno" pas hetimit në rajonin e Shkupit dhe Velesit, policia gjatë bastisjes së automjetit "Mercedes" me targa të Shkupit dhe në një banesë në Veles, sekuestroi gjithsej 10.355 copë ekstazi dhe amfetamin me logon "M"-motorola, 300 gram marihuanë dhe rreth 50 gram amfetamin në materie pluhuri. Vlera e drogës së sekuestruar në narko-treg është rreth 80 mijë euro.