Programi për subvencione kapitale për zhvillim të rajoneve planore në fushën e bujqësisë dhe zhvillimit rajonal për vitin 2022, me të cilin parashikohet përmirësim i infrastrukturës rurale dhe qasjen në sipërfaqe bujqësore është miratuar në seancën e sotme të Qeverisë.
Pres-shërbimi qeveritar sonte kumtoi se shfrytëzuesit e mjeteve të këtij programi janë qendrat për zhvillim të rajoneve planore në territorin e Republikës së Maqedonisë së Veriut, të regjistruara konfrom Ligjit për zhvillim të barabartë rajonal. Projektet e zgjedhura është parashikuar të realizohen në afat prej njëzet muajve nga dita e nënshkrimit të marrëveshjes për financim.
Shfrytëzuesit do të duhet të parashtrojnë raport financiar dhe narrativ më së voni 15 ditë pas afatit përfundimtar për implementim.