Mbështetje konkrete e cila do të arrijë direkt te ndërmarrjet, kërkon Lidhja e Odave Ekonomike të Maqedonisë (LOE) nga Qeveria. Kjo kërkesë e LOE-së është përshtatur në 25 masat të cilat edhe zyrtarisht janë dorëzuar deri te kompetentët.
Qasje e lehtësuar deri te kreditë pa interes për mbulim të shpenzimeve të ndryshueshme, promovim më transparent të linjave kredituese dhe mundësim të qasjes për të gjithë që kanë nevojë nga mjetet e tilla, sigurim i skemës garantuese kombëtare për mbështetje të firmave gjatë kreditimit, vazhdim
direkt dhe në mënyrë joselektive të masës “ndihmë financiare mujore prej 14.500 denarë” deri në mars të vitit 2021, janë vetëm një pjesë e masave të cilat LOE pret që Qeveria t’i miratojë dhe implementojë në korrnizë përkatëse kohore.
LOE apelon edhe të anulohen të gjitha detyrimet tatimore për vitin 2020, të paguhen në këste, pa interes. Nevojitet, konsideron, ballafaqim urgjent me ekonominë gri me mekanizma të arritshëm përkatës të cilat mund të implementohen menjëherë.
Sipas kryetares së LOE-së, Danella Arsovska, propozim-masat janë të thjeshta duke i marrë parasysh gjendjet në ekonominë dhe janë themeluar në proces të gjërë të konsultimeve në sektorin privat. Masat ekonomike të dorëzuara nga Lidhja janë bazuar në nevoja reale të ekonomisë e cila përballet me një numër të madh të sfidave nga të cilat më e madhe është likuiditeti i shqetësuar i cili shumë shpejtë, derisa nuk sigurohet ndihmë financiare urgjente mund të vjen deri te mbyllja e subjekteve juridike.
Masa prioritare duhet të jetë mbështetje financiare direkte e targetuar përmes ndarjes së granteve për ndihmë të sektoreve më të goditura, që të zbuten efektet negative mbi ekonominë të shkaktuar nga pandemia, sepse ka veprimtari të cilat janë para falimentimit. E domosdoshme është të krijohen protokolle të sakta për punë për të gjitha veprimtaritë, me qëllim që t’u mundësohet të gjithëve në mënyrë të barabartë të funksionojnë në kushte të kontrolluara sipas rregullave cilësore të konfirmuara.
Gjithashtu, nga vlera e madhe është të parashikohet mundësia për anulim ose riprogramim të kredive ekzistuese për ato ndërmarrje të cilat luftojnë me mbajtjen e likuiditetit që të parandalohet falimentimi ose marrja e pronave nga ana e bankave”, thotë Arsovska./Telegrafi/