Elektranat e Maqedonisë do të investojnë 270 milionë euro në projekte të reja dhe hulumtime në sferën e burimeve ripërtrirëse të energjisë.
Nga ELEM njoftojnë se këto mjete investohen me qëlim të rritjes në pjesën e energjisë elektrike të fituar nga burime ripërtëritëse në prodhimtari të përgjithshme të energjisë elektrike nga SHA ELEM.
Këto mjete, SHA ELEM i fiton në kuadër të projektit “Crossbow”, ndërmjet Agjencisë për inovacione dhe rrjete (INEA) i formuar nga Komisioni Evropian dhe konzorciumi nga 24 partnerë, midis të cilëve edhe SHA ELEM.
Qëllimi i projektit është hulumtimi i mundëvsive për menaxhim të llojeve të ndryshme të burimeve ripërtrirëse të energjisë dhe mundësitë për deponim të energjisë së fituar nga ato, me ç’rast do të mundësohet treg transnacional me shumicë për energji elektrike.
“Lidhur me pjesëmarrjen në projektin “Crossbow”, SHA ELEM ka qëllim që të zhvillojë produkt tregtar inovativ kombëtar, i cili do të jetv qasës për të gjithë pjesëmarrësit në tregun e energjisë elektrike përmes rregullave dhe ligjeve të konfirmuara transparente dhe jodiskriminuese, që u theksua në takimin e pjesëmarrësve në projektin, i cili mbahet sot në Sofje”, thuhet në kumtesë./Telegrafi/