ish-minsitri i Drejtësisë në Shqipëri, Ylli Manjani i qëndroi dhe e përsëriti deklaratën e tij në lidhje me videot e ministrave me të dashurat në hotelin “Santa Quaranta” të Klemend Balilit. “Po, më ka rënë në dorë dhe ishin të shërbimeve sekrete”, tha ai, duke pranuar se nuk do të fliste për to, por për faktin se nuk ishte ai përgjegjës për moskapjen e Balilit, por Policia e Shtetit.
Ka një datë, 17 maji 2016, kur Interpoli lëshoi urdhërarrest. Interpol Albania ka pasur dhe ka detyrë ta arrestojë. Policia nuk e ka arrestuar dhe policia mos t’i bjerë anash sepse janë alibi që nuk justifikohen. Jam i vetmi zyrtar që kam kërkuar sistematikisht arrestimin e Balilit.
Arrestimin e bën policia, e bën Ardian Çipa. Policia u mundua t’i hedhë fajin prokurorisë por, ishte faji i saj, i policisë së shtetit”,tha Manjani në Dritare me Rudinën. /Dritare.net/Telegrafi/