Bayern Munich ka fituar ndaj DC United me rezultat 6-2 në miqësoren e zhvilluar në SHBA, ndërsa golat e para me fanellën bavareze i gjetën transferimet e reja, Sadio Mane dhe Matthis de Ligt.
Ndeshja u zhvillua në Uashington, atje ku Bayern Munich po e kryen fazën përgatitore.
Manes iu deshën vetëm pesë minuta për të shënuar golin e parë për Bayernin dhe këtë e bëri nga penalltia.
Here's Sadio Mane's first goal for Bayern Munich. pic.twitter.com/lT4pKmmy6U
— Stiga jnr🇬🇭🇴🇲 (@Kwaw_stiga) July 20, 2022
Vetëm shtatë minuta pas kësaj, Marcel Sabitzer shënoi për 2-0, ndërsa Serge Gnabry shënoi për rezultatin e pjesës së parë një gol në minutën e 44-të pas një asistimi të Mane.
Me të filluar pjesa e dytë ishte radha e holandezit De Ligt, i cili kompletoi transferimin e tij këtë jave te Bayern Munich.
DE LIGT WASTING NO TIME!
What a strike for his first Bayern goal 🔥 @ESPNPlus pic.twitter.com/2tKmnr2sOh
— ESPN FC (@ESPNFC) July 21, 2022
Joshua Zirkzee dhe Thomas Muller shënuan dy golat e fundit për Bayern Munichun, ndërsa edhe vendasit shënuan dy herë në këtë pjesë lojë me Skage Lehland dhe Theodore Ku-DiPietro.
De Ligt dhe Mane mbërritën në Bayern Munich këtë verë si përforcime të mëdha./Telegrafi/
