Sulmuesi i Juventusit, Mario Mandzukic, i ka shpëtuar dënimin për goditjen që i dha mbrojtësit të Milanit, Alessio Romagnoli të shtunën në derbi.
Prokurori i FIGC, Giuseppe Pecoraro, kërkoi që incidenti të shqyrtohet nga organi drejtues i gjyqësorit sportiv.
Aty u vendos se gjesti i kroatit nuk konsiderohet veprim i dhunshëm.
Ndeshja ishte mbyllur 2-1 në të mirë të Juves.
OFFICIAL: The Sporting Judges have decided not to suspend Mandzukic for his kick out at Romagnoli as they say "the gesture does not assume with certainty the characteristics of violent conduct"
— TheMilanBible (@TheMilanBible) April 9, 2019
Me nga një ndeshje janë dënuar Mattia Bani i Chievo, Stefano Sturaro i Genoas, Marvin Zeegelar i Udineses, Milan Badelj i Lazio, Andrea Belotti i Torinos, Luca Ceppitelli i Cagliarit, Aleksandar Kolarov i Romës dhe Domenico Maietta i Empolit.
Sampdoria është gjobitur me 3,000 euro, për sjellje të keqe të tifozëve. /Telegrafi/