Trajneri i ekipit kombëtar të Italisë, Roberto Mancini ka zbuluar arsyen se pse nuk i ka ftuar në përfaqësuese Moise Kean dhe Nicolo Zaniolon.
Dyshja ishte vonuar në tubimin e ekipit të të rinjve për kampionatit evropian dhe kjo ka ndikuar që të mos ftohen në ekipin e parë italian – shkak mos disipline.
“Ata nuk kanë bërë asgjë serioze, por kjo do t’i ndihmojë për të ardhmen, të dinë se si të sillen kur janë jashtë shtëpisë për 40 ditë”, tha Mancini.
Kean, i cili kohët e fundit u transferua nga Juventusi në Everton, debutoi në përfaqësuesen e parë të Italisë në muajin mars kundër Finlandës në kualifikimet për Kampionatin Evropian 2020 dhe në atë kohë u bë futbollisti më i ri që nga viti 1958, i cili shënoi gol për azurrët.
Mancini kishte ftuar një vit më parë edhe futbollistin Zaniolon përpara se të debutonte në Serie A për Romën.
Italia do të luajë ndeshjen kundër Armenisë të enjten dhe do të udhëtojë në Finlandë tre ditë më vonë për kualifikimet në Euro 2020. /Telegrafi/