Roberto Mancini mendon se Italia e meritoi një barazim në humbjen prej 2-1 në kualifikueset për EURO 2024 ndaj Anglisë .
Anglia shkoi në pushim me rezultatin 2-0 në stadiumin “Diego Armando Maradona” me golat e Declan Rice dhe Harry Kane nga penalltia, ndërsa ndeshja u mbyll me golin e Mateo Reteguit.
A spirited second-half display but it wasn't to be. On to the next one, forza ragazzi 💙#ITAENG #EURO2024 #Azzurri #VivoAzzurro pic.twitter.com/YmC5eynCoR
— Italy ⭐️⭐️⭐️⭐️ (@Azzurri_En) March 23, 2023
“E dinim se ishte një lojë e vështirë, por pësuam dy gola nga dy kënde. Pjesa e parë ishte më e vështirë, padyshim, ne dominuam pjesën e dytë dhe u përpoqëm të merrnim të paktën një barazim, gjë që mendoj se do të kishte qenë e drejtë”.
“Është zhgënjyese, por ka një rrugë të gjatë përpara”.
“Ne kishim filluar mirë me një presion të lartë, gjë që nuk e bëmë për pjesën tjetër të pjesës së parë”.
“Pashë një ‘Nazionale’ të shkëlqyer në pjesën e dytë dhe kjo premton mirë për të ardhmen”, ka thënë Mancini. /Telegrafi/