Adnan Januzaj thuhet se do të largohet nga Real Sociedadi dhe do të kalojë te Roma.
Në rast se sulmuesi shqiptar e kompleton kalimin te Giallorossët, atëherë Manchester United do të përfitojë 17 milionë euro.
Januzaj ishte pjesë e akademisë së Djajve të kuq, derisa ishte inkuadruar në skuadrën e parë nga Sir Alex Ferguson, duke pasur një start ëndrrash në Old Trafford.
Duke u largua nga ajo aventurë, anësori kaloi te skuadra nga La Liga, ndërsa në marrëveshje thuhet se nëse lojtari shitet te ndonjë skuadër tjetër, United do të ketë të drejtë të fitojë 30 për qind të shumës.
Kështu, 24-vjeçari që ka shënuar dhjetë gola dhe ka bërë 14 asistime në 72 paraqitje te Sociedadi, është shumë afër të kalojë te Roma.
Skuadra italiane thuhet se po rivalizohet edhe nga Milani e Parma, mirëpo janë favorit për t’i marrë shërbimet e istogasit. /Telegrafi/