Ylli i Borussia Dortmundit, Jadon Sancho, mbetet prioritet i Manchester Unitedit në listën e dëshirave për afatin e ardhshëm kalimtar.
Nga ana tjetër, SunSport ka raportuar se Djajtë e Kuq janë përfshirë në garë edhe për sulmuesin e Bayer Leverkusenit, Kai Havertz.
Dhe derisa klubi po përgatitet për ardhjet e reja, një fytyrë e njohur mund ta vazhdojë karrierën jashtë Old Traffordit. Është fjala për Paul Pogba, i cili pas përfundimit të sezonit 2019/2020 pritet të nënshkruajë për Real Madridin, Juventusin apo Paris Saint-Germainin.
Adrien Rabiot i Zonjës së Vjetër mund të shkojë në drejtim të kundërt, por do të duhej të luftonte për një vend në formacion. Derisa Marcus Rashford dhe Anthony Martial do të luajnë rol të rëndësishëm në fazën ofensive të skuadrës së Ole Gunnar Solskjaer.
Trajneri i Unitedit duhet ta përforcojë edhe fazën defensive, ndërsa shpreson ta transferojë Kalidou Koulibalyn e Napolit. /Telegrafi/
